Yearly Archives: December 12, 2011, 8:37 am

விஸ்வரூபம் காணட்டும் கமல்

நேற்று மதியம் அலுவலகத்தில் பரபரப்பாக நேர்காணல் நடத்திக் கொண்டிருந்தபோது நண்பர் தொலைபேசியில் அழைத்தார். அவருடைய குரலில் உற்சாகம் என்றால் உடனே புரிந்து போகும் – அவர் ஒரு புதுப் புத்தகத்தைப் படித்திருக்கிறார்.

’Grey Wolf: The Escape of Adolf HitlerGrey Wolf: The Escape of Adolf Hitler’ படிச்சுட்டீங்களா?

இல்லியே சார், ஹிட்லர் இன்னும் மூச்சு விட்டுக்கிட்டு இருக்கார்னு சாதிக்கறாங்களா?

இல்லை. அவர் அர்ஜெண்டினாவுக்குத் தப்பி ஓடினதாகவும், அமெரிக்காவும் ஜெர்மனியும் இதுக்கு வழி செய்ததாகவும், அரசியல், பொருளாதார காரணங்கள் இதெல்லாம் என்றும் விவரிச்சு இருக்காங்க, புத்தக ஆசிரியர்கள் Gerrard Williams, மற்றும் Simon Dunstan.

Holocaust Denial வகையிலே வர்ற புத்தகம் போல இருக்கு.

நிச்சயமா இல்லே. படிச்சுப் பாருங்க. நாலைஞ்சு புத்தகம் கிடைச்சிருக்கு. இதை முதல்லே ஆரம்பிச்சு முடிச்சேன்.

இரண்டு நிமிடத்தில் ரத்தினச் சுருக்கமாக புத்தகத்தின் சாரத்தை அவர் சொல்ல மனதில் பதிவான ரெண்டு எண்ணங்கள் – இந்த மனுஷர் இத்தனை வேலைக்கு நடுவிலே எப்படி புதுசு புதுசா புத்தகத்தைத் தேடி வாசிக்கிறார் – 1; ஆழ்வார்பேட்டை போகும்போது இரவல் வாங்கி வரவேண்டிய புத்தக வரிசையில் ஒன்று கூடி விட்டது.-2

அடுத்த இரண்டு நிமிடம் உயிர்மை-100ல் என் கட்டுரை, நண்பர் ‘ஆயிஷா’ இரா.நடராசன் கட்டுரை என்று பேச்சு.

சரி, பார்க்கலாம்.

வாழ்த்துகள் கமல்

அரவான்

 

1) அவை நிறைவாக நடந்த அரவான் இசை வெளியீட்டு விழாவுக்கு மூன்று மணி நேரம் முன்னதாகவே போய் அண்ணா நூலகத்தில் இதையும் அதையும் படித்துக் கோண்டிருந்தேன். கலைஞரின் பெயரைக் காலாகாலத்துக்கும் சொல்ல புது அசெம்பிளி கட்டிடம் வேண்டாம். இந்த நூலகம் போதும்.

2) நாடி வந்து வரவேற்ற வசந்தபாலனின் வரவேற்பு இதம்.

ரெட் சல்யூட் காம்ரேட் காசி

 

இன்று பொழுது துக்கத்தோடு புலர்ந்தது. என் குரு மெய்யன் முகுந்தன் சார் சிவகங்கையிலிருந்து தகவல் அனுப்பியிருந்தார். எங்கள் அன்புக்குரிய தோழர் காசி நேற்று காலமானார் என்று செய்தி.

இந்தியக் கம்யூனிஸ்ட் கட்சியைச் சிவகங்கையில் கட்டமைப்பது சுலபமான பணி அல்ல. அந்த ஊர் காங்கிரஸ் கோட்டை. ஆர்.வி.சுவாமிநாதன் மூன்று முறையோ அதற்கு மேலுமோ எம்.எல்.ஏ ஆகி காங்கிரஸை அசைக்க முடியாத இடத்தில் வைத்திருந்தார். 1962-ல் தி.மு.க் தொகுதி அடிப்படையிலான உடன்பாடு செய்து கொண்டு ராஜாஜியின் சுதந்திரா கட்சி வேட்பாளரான காளைலிங்கத்தை ஆதரித்தது. ஆனாலும் ஆர்.வி.எஸ் வென்றார். 1967 திமுக ஆதரவு அலையில் தான் சிவகங்கை திமுக தொகுதியாகியது. திமுகவின் தொண்டர் பலம் ஒங்கிய தருணம் அது. 

(English) Chennai Book Fair 2011