Monthly Archives: July 1, 2008, 6:16 am

வந்த கடிதங்களில் இருந்து

 

இரா. முருகன்,

வணக்கம். திண்ணை இணைய இதழில் உங்களுடைய விஸ்வரூபம் படித்தேன். சுதந்திரத்திற்கு முந்தைய காலகட்டத்து கதையாற்றே…இதில் உங்கள் வழக்கமான, லேசான கிண்டல் கலந்த நடை இருக்குமா என்ற சந்தேகத்துடனே படிக்க ஆரம்பித்தேன். முதல் அத்தியாயத்திற்குள்ளே என் சந்தேகத்தை போக்கிவிட்டீர்கள். மலையாளத் திரைப்படங்கள் மூலமாகவும், மலையாள மொழிபெயர்ப்புகள் மூலமாகவும் நான் நெருக்கமாக உணரும் கேரள தேசத்தின் பிண்ணனியில் உள்ளதால் தொடர்ந்து படித்துவிட்டு எனது கருத்துகளை தெரிவிக்கிறேன்.

யாரடா இவன்……… மொட்டையாக யார்? என்ன என்று சொல்லிக்கொள்ளாமல் விஸ்வரூப தரிசனத்தில் இறங்கிவிட்டான் என்று உங்களுக்கு தோன்றலாம். இரண்டாவது அத்தியாயத்திற்கு கீழே உங்கள் மின் அஞ்சல் முகவரியைப் பார்த்தவுடனேயே ஒரு ஆர்வக் கோளாறில் ஆரம்பித்துவிட்டேன். 

எட்டு பெட்டிகள்

 

குங்குமம் பத்தி – ‘அற்ப விஷயங்கள்’

வேற்றுமொழிப் பத்திரிகையைப் புரட்டிக் கொண்டிருந்தபோது படத்தோடு செய்தி. ஒரு ரசிகர் ஆரவத்தோடு ஆல்பம் போட்டு வருடக் கணக்காக சேகரித்துக் கொண்டிருக்கிறாராம். எதை? நடிக நடிகையர், டைரக்டர் இசை அமைப்பாளர்கள், பின்னணிப் பாடகர்கள், பாடகிகள் பற்றிய தகவலை. அதிலும் ஒரு விசேஷம். இவர் சேகரிப்பது இந்தப் பிரபலங்களின் ‘காலமானார்’ செய்திகள்.

மேல் நாட்டுப் பத்திரிகைகளில் இரங்கல் குறிப்பு எழுதுவதற்கு என்றே தனியாக சிறப்புச் செய்தியாளர்கள் உண்டு. ஆபிசுவரி எடிட்டர் வேலைக்கு ஆள் தேவை என்று கார்டியன் பத்திரிகை இரண்டு வருடம் முன் விளம்பரம் வெளியிட்டது. நூறு வருடமாகப் பிரசுரமாகும் தினசரி அது. நூறு வருடத்தில் எத்தனை பிரமுகர்கள் உள்நாட்டில், அயல் நாட்டில் மூச்சுவிட மறந்து போயிருப்பார்கள்? இவர்கள் எல்லோருக்காகவும் மனம் உருகி இரங்கி கண்ணீர் சிந்த வைத்த நினைவுக் குறிப்புகள் எத்தனை இருக்கும்.