Monthly Archives: June 27, 2013, 3:54 pm

இருபத்துநாலு * ஏழும் நாவலூரும்

காலையில் எழுதியிருந்தேன் – பாவம், நாவலூரில் ஒரு பொண்ணு ஏழாம் மாடியில் இருந்து குதிச்சிருக்கு. முன்னாடி மாமல்லபுரம் பக்கம். அதுக்கு முந்தி ஐஐடி அருகே. துறை சார்ந்து மனவியல் நிபுணர்கள் ஆய்வு செய்யணும். சென்னையில் அதிகமா நடக்கற மாதிரி, அதுவும் பெண்கள் பாதிக்கப்படற மாதிரி தோணறது. ஆழ்ந்த அனுதாபங்கள்

என் 24*7 இது மாதிரியான அனுபவங்களின் அடிப்படையில் எழுதினது தான் (நன்றி – விகடன் சிறுகதைத் தொகுப்பு)

இருபத்துநாலு பெருக்கல் ஏழு
—————————————————
இரா.முருகன்

ரெட்டி எனக்கு ஈ-மெயில் அனுப்பியிருந்தான்.

‘நடுராத்திரியில் டெலிவிஷன் பெட்டிக்குள் இருந்து நாலைந்து பேர் இறங்கி வருகிறார்கள். உடனே அறையைக் காலி செய்துவிட்டு வெளியேறாவிட்டால் நாளைக்கு என் சாவு தலைப்புச் செய்தியாகப் படிக்கப்படும் என்று மிரட்டுகிறார்கள். ‘

நான் என் கண்ணாடிக் கூண்டிலிருந்து வெளியே பார்த்தேன். அடுக்கடுக்காக விரிந்த புரோகிராமர்களின் கம்ப்யூட்டர் வரிசைக்கு ரொம்பவும் பின்னால் நாலாவது சுற்றில் ரெட்டியின் தலை தெரிந்தது. மேல் கூரையை வெறித்துக் கொண்டிருந்தான் அவன்.

பத்து அடி நடந்தால் என் அறைக்கு வந்துவிடலாம். எதற்காக ஈ-மெயில் அனுப்பிவைக்க வேண்டும்? அப்புறம் ஈ-மெயில் சொன்ன விஷயம். ஏதாவது ஜோக் அனுப்ப உத்தேசித்துப் பாதி எழுதியதை ஞாபக மறதியாக அனுப்பிவிட்டானா?

கம்ப்யூட்டர் கம்பெனியில், அதுவும் உலகப் பிரசித்தியான நிறுவனத்தில் சீனியர் மேனேஜர் உத்தியோகம் பார்ப்பது மாதிரித் தொல்லை பிடித்த சமாச்சாரம் வேறு எதுவும் இல்லை. தலைக்கு மேலே உட்கார்ந்து முதலாளி வர்க்கம் ‘இருபது மில்லியன் டாலர் பிசினஸ் இந்த வருடம் பிடித்துக்கொண்டு வராவிட்டால் வயிற்றுக்குக் கீழே ஆப்பரேஷன் செய்து நீக்கிவிடுவோம்’ என்று உத்தரவு போட்டுக் கத்தரிக்கோலோடு காத்திருப்பார்கள். வாரம் ஏழு நாள் இருபத்து நாலு மணி நேரம் வெள்ளைக்காரத் துரைகளின் கழிப்பறையைக் கழுவி, கால் பிடித்து விட்டு சிஷ்ருஷை செய்தாலும் ஒரு டாலர் அதிகமாக பிசினஸ் பெயராது என்பது அவர்களுக்கும் தெரியும். இருப்பதும் கைநழுவிப் போகாமல் காப்பதற்காக மேற்படி கஸ்டமர் துரை, துரைசானிகளுக்கு உள்ளாடை துவைத்துப் போடுகிறது தவிர மற்ற சகலமான குற்றேவலும் செய்யத்தான் என்னை சீனியர் மேனேஜராக்கிக் கண்ணாடிக் கூண்டில் அடைத்து பெரிய ஹாலில் ஐநூறு புரோகிராமர்கள், பிராஜக்ட் லீடர், பிராஜக்ட் மேனேஜர் வர்க்கங்களுக்கு நடுவே உட்கார்த்தியிருக்கிறார்கள்.

இந்த ஐநூறு சகபாடிகளில் பெரும்பாலானவர்கள் கடைசி கட்ட இண்டர்வ்யூவில் நான் நேரில் ஒரு நிமிடமாவது சந்தித்துப் பேசித் தேர்ந்தெடுத்தவர்கள். ரெட்டியை ஆந்திராவில் விசாகப்பட்டிணத்திலோ, ராயலசீமையிலோ வைத்து டெலிபோனில் இண்டர்வ்யூ செய்த கம்பெனியின் தொழில் வல்லுனர்கள் பலமாக சிபாரிசு செய்த காரணத்தால் அவனைச் சந்திக்காமலேயே சரி என்று சொல்லிவிட்டேன். பையன் வேல¨க்குச் சேர்ந்து ஒரு மாதம் ஆகிறது. தினசர் ஹலோ சொல்வதோடு சரி. இன்றைக்கு சாயந்திரமாவது அவனைக் கூப்பிட்டுப் பேசவேண்டும் என்று நேற்று நடுராத்திரி வீடு திரும்பும்போது தீர்மானமெடுத்திருந்தேன். அவனே இப்போது ஈ-மெயில் அனுப்பியிருக்க்கறான். விஷயம் தான் என்னவென்று புலப்படவில்லை.

மேஜையில் இருந்த நாலு டெலிபோனில் இரண்டு ஒரே நேரத்தில் ஒலித்தது. சிவப்புத் தொலைபேசியை முதலில் எடுத்தேன். மும்பை தலைமை ஆபீசிலிருந்து படியளிக்கும் பெருமாளான கம்பெனித் தலைவர் மற்றும் நியூயார்க், லண்டன், ஸ்டாக்ஹோம் போல இண்டர்நேஷனல் தலைநகரங்களில் சொகுசு வாசம் அனுபவித்தபடி டெலிபோனில் லாடம் கட்டும் உப கடவுள்கள் குரல் ரூபமாக வந்து சேரும் மார்க்கம் இது.

“போன மாதம் அட்ரிஷன் பதிமூணு புள்ளி நாலு பெர்செண்ட். இந்த மாதம் அது பதிமூணு புள்ளி ஏழு. என்ன ரிசோர்ஸ் மேனேஜ்மெண்ட் செய்து முடியைப் புடுங்கறே?”
போன மாதம் கால் கடுதாசி கொடுத்துவிட்டு ஓடினவர்களைவிட இந்த மாதம் இரண்டு பேர் அதிகம். மற்ற கம்பெனிகளில் கூடுதல் சம்பள ஆசை காட்டி இவர்களைத் தூண்டில் போட்டுப் பிடித்துப் போனதற்கு நான் என்ன செய்ய முடியும்?

தலைவர் வெடித்துச் சிதறி ஓய்ந்தபோது முகத்தைத் துடைத்துக்கொள்ள மேஜைப் பக்கம் பேப்பர் நாப்கின் தேடினேன். அங்கே வெகு கரிசனமாக யாரோ டாய்லெட் பேப்பர் சுருளை வைத்திருந்தார்கள். முகமும் பின்புறமும் ஒன்று என்றாகிப் போனபோது எந்தப் பேப்பரால் துடைத்தால் என்ன? டாய்லட் பேப்பரைக் கிழித்து முகம் துடைத்துக் கொண்டிருந்தபோது அடுத்த டெலிபோன் ஒரு வினாடி ஓய்ந்து அழிச்சாட்டியமாக மறுபடி சத்தம் போட்டது. எந்த கஸ்டமரோ? புழுத்த நாயே என்பதை அழகான ஆங்கிலத்தில் மரியாதையாகச் சொல்லப் போகிறான். போகிறாள்.

ஹலோ என்றேன் குரலில் செயற்கை உற்சாகத்தை வரவழைத்துக் கொண்டு. “சார் நான் தான் கிருஷ்ணன் நம்பியார்”. வெளியே பார்த்தேன். பிராஜக்ட் மேனேஜர் நம்பியார் அவனுடைய குட்டி மரக்கூண்டில் தலையை மட்டும் குருவி மாதிரி எக்கிப் பார்த்துக்கொண்டு •போனில் பரபரத்தான். அவசரமாகப் பேச வேண்டுமாம். நடக்கச் சோம்பல் படுகிற நடுவயதுக்காரன். கையை அசைத்து உள்ளே வரச் சொன்னேன்.

“எங்கே இருந்து சார் பிடிச்சீங்க இந்த ரெட்டியை? ஒரே சல்யம் புள்ளிக்காரனோட”

நம்பியார் உள்ளே வந்ததுமே குற்றப் பத்திரிகை வாசித்தான். டெலிபோனில் ரெட்டியை ஆந்திராவில் தேடிப் பிடித்து இண்டர்வ்யூ நடத்திய குழுவில் அவனும் உண்டு என்பதை சவுகரியமாக அவன் மறந்து போனதை நினைவு படுத்தினேன்.

“சரி சார், நாங்க தான் சொல்றோம். நீங்க தீர விசாரிச்சு ஆளெடுக்க வேண்டாமா? பிளேட்டைத் திருப்பிப் போட்டான் அவன். அடுத்த உபகடவுள், கடவுள் பதவி உயர்வுகளுக்குச் சகல தகுதிகளும் உள்ளவன்.

“நம்பியாரே, பிரச்சனையை நாலு வரியிலே சொல்லிட்டு நட” நான் அவசரப்படுத்தினேன். டாய்லெட் போகணும். வெளியே இன்னும் எத்தனை பேர் ராஜினாமாக் கடிதாசு எழுதிக் கொண்டிருக்கிறார்களோ? உளவறிந்து கையைக் காலைப் பிடித்தாவது தடுக்காவிட்டால் அடுத்த மாதமும் டாய்லெட் பேப்பரில் முகம் துடைக்க வேண்டி வரும். அது முதலாளி பின்புறத்தில் ஒற்றி எடுத்ததாக இருக்கும்.

எண்டர்பிரைஸ் ஜாவா மொழி வல்லுனன் என்பதற்காக ரெட்டியை வேலைக்கு எடுத்திருக்கிறோம். பில்கேட்ஸ் அனுக்கிரகத்தோடு களம் இறங்கிய மைக்ரோசாப்டின் டாட் நெட் தொழில் நுட்பத்தை உலகில் பாதி கம்ப்யூட்டர் நிறுவனங்கள் தூக்கிக் கடாசிவிட்டு ஜாவுக்குக் கட்சி மாறியபோது ரெட்டி போன்ற வல்லுனர்களுக்கு மவுசு ஏறிவிட்டது. முகத்தைப் பார்க்காமலே குரலைக் கேட்டுத் திருப்திப்பட்டு, பயோடேட்டாவில் தகுதி விவரம் பார்த்துப் பரவசம் அடைந்து ஆளெடுக்க அதுவும் முக்கிய காரணம். வந்தவனை, கம்பெனி கெஸ்ட் ஹவுசில் தற்போதைக்கு ஹளேயங்காடி நாகப்பா பங்காரப்பாவோடு தங்க வைத்திருந்தோம். இந்த கன்னடக்கார ஹ.நா.பங்காரப்பா புதுசாச் சேர்ந்த இன்னொரு ஜாவா எக்ஸ்பர்ட்.

“ராத்திரி முழுக்க பங்காரப்பா தூங்க முடியலியாம் சார். ரெட்டி அவனை எழுப்பி உட்கார்த்தி ட்யூப் லைட்டை எல்லாம் துணி போட்டு மூடச் சொல்றானாம். அதிலேருந்து யாரோ இறங்கி வந்து அவன் தூக்கத்தைக் கெடுக்கறாங்களாம். “

ஆக ரெட்டி விஷயத்தில் ஏதோ தகராறு. காலையில் அவன் அனுப்பிய ஈ-மெயில் வேறு வயிற்றில் புளியைக் கரைத்தது. ஆள் தெரியாமல் உள்ளே நுழைத்திருக்கிறோமா?
“அப்புறம் இன்னொரு சேதி சார். ஜப்பான் ப்ராஜக்ட் இருக்கே, அதான் யோகுச்சி சான், யஷிகரோ சான் வகையறா. அவங்களுக்கு நவம்பர் எட்டு டெலிவரி வேணுமாம். சொன்னதுக்கு நாலு நாள் முந்தி. டோக்கியோவிலே யாரோ வாக்குக் கொடுத்தாச்சு”

“அதுக்கென்ன, செஞ்சாப் போச்சு” நான் ட்யூப் லைட்டாகச் சொன்னேன்.

“எப்படி சார்? அன்னிக்கு தீபாவளி. அந்த டீமிலே நாலு மதுரைக்காரங்க, நாலு கோயம்புத்தூர் பசங்க. மிச்சம் எட்டு பேரும் நாக்பூர் மராத்திப் பொண்ணுங்க. எல்லோருக்கும் ரெண்டு நாள் தீபாவளி லீவு போன மாதம் தான் அப்ளை செய்து நீங்க அனுமதிச்சிருக்கீங்க” நம்பியார் முகத்தில் அலாதி ஆனந்தத்தோடு சொன்னான்.

“அதை நான் கேன்சல் பண்ணிட்டேன்”. க்ரூப் ப்ராஜக்ட் மேனேஜர் எஸ்.ஆர்.ஆர் அறிவிப்பு கொடுத்தபடி உள்ளே நுழைந்தான். மும்பை கடவுளின் பூர்ண அனுக்கிரம் உள்ளவன் அவன். அவன் கூடவே கண்கலங்கிய படிக்கு வந்த நீனா ஒரு அழகான இளம் மராத்திப் பெண். அதைவிட முக்கியமாக, அவளும் ஜாவா மொழி எக்ஸ்பர்ட்.

“சார், எங்க அப்பா காலமானதிலே இருந்து ரெண்டு வருஷமா தீபாவளி இல்லே. இந்த வருஷமாவது துக்கத்தை மறந்து வீட்டோட தீபாவளி கொண்டாடலாம்னு ரயில் டிக்கெட் எடுத்திருக்கேன். இன்னிக்கு ராத்திரி வண்டி. போக விடுங்க சார், ப்ளீஸ்”

நீனா ஜாக்கிரதையான ஆங்கிலத்தில் சொல்லியபடி கெஞ்சியபோது, எஸ்.ஆர்.ஆர் தடியன் ஈவிரக்கமில்லாமல் சொன்னது இது – “ரெண்டு வருஷம் இல்லாத தீபாவளியை இன்னொரு வருஷம் ஒத்தி வைச்சா என்ன குறைஞ்சுடும்? ”

இவன் உள்ளூரில் காரும் பங்களாவும் வீடும் பெண்டாட்டி குழந்தைகளுமாகக் குளிரக் குளிர எண்ணெய் தேய்த்து கங்கா ஸ்னானம் செய்து பட்டாசு வெடித்து அல்வா சாப்பிட்டு ஏப்பம் விடும்போது அந்தப் பரிதாபப்பட்ட மராத்திப் பெண் வீட்டோடு சந்தோஷமாக இரண்டு நாள் இருந்துவிட்டு வர அனுமதிக்க மாட்டானாம்.

“டெலிவரியை ஷெட்யூல் பிரகாரம் தான் தரமுடியும்னு கஸ்டமர் கிட்டே சொல்லு” நான் சொல்லிக் கொண்டிருந்தபோதே சிவப்பு தொலைபேசி அதிகாரமாக ஒலித்தது. மும்பாயில் கடவுளுக்கு சுற்றுப் பிரகாரத்தில் பிரதிஷ்டையான ஒரு பரிவார தேவதை.

“டோக்கியோவில் இருந்து கரோஷி சான் தலைவர் கிட்டே பேசிட்டார். ஜப்பான் பிராஜக்ட் டீம் அடுத்த மாசம் தீபாவளியை வச்சுக்கலாம். இது அரச கட்டளை”.

என் பதிலுக்குக் காத்திருக்காமல் தொலைபேசி அந்தப் பக்கத்தில் பட்டென்று வைக்கப்பட, உள் விஷயம் ஏற்கனவே அறிந்த எஸ்.ஆர்.ஆர் விஷமமாகச் சிரித்தான்.

“போய் வேலையைப் பாரு. இல்லே கால் கடுதாசு கொடுத்துட்டு தீபாவளிக்கு ஊருக்குப் போ”. அவன் சொன்னபோது அழுதபடிக்கு என் மேசையில் வைத்திருந்த டாய்லெட் பேப்பர் சுருளைத் தரையில் வீசிவிட்டு நீனா வெளியே போனாள்.

என் கண்ணாடிக் கூண்டுக்கு வெளியே ஏழெட்டுத் தலைகள் தட்டுப்பட்டன. ரெட்டியின் பக்கத்து மேஜைகளில் உட்கார்ந்து வேலை பார்க்கும் ப்ரோகிராமர்கள் எல்லோரும். கூட்டமாகக் கிளம்பி வந்து பதற்றத்தோடு நின்று கொண்டிருக்கிறார்கள்.

“ரெட்டி எல்லோரையும் கம்ப்யூட்டரை ஆ•ப் செய்துட்டு உட்காரச் சொல்றான். இல்லாட்ட மணிக்கட்டுலே பிளேடாலே அறுத்துக்கிட்டுச் செத்துப் போயிடுவேன்னு பயமுறுத்தறான். எல்லா கம்ப்யூட்டர் டெர்மினல்லே இருந்தும் அடியாள் கும்பல் ஜீப்பிலே வந்து இறங்கி அவன் வீட்டுக்காரியையும் குழந்தையையும் பிடிச்சுட்டுப் போக ரெடியா இருக்காங்களாம். நாங்க அதுக்கு ஒத்தாசை பண்றோமாம்”.

நான் தலையில் கை வைத்துக் கொண்டு உட்கார்ந்தேன். நம்பியார் திரும்ப கண்ணாடிக் கூண்டுக்குள் நுழைந்திருந்தான்.

“மும்பையிலே இருந்து ஹெச்.ஆர் தலைமை அதிகாரி என்னோட பேசினார் சார். உங்க லைன் பிஸியா இருந்ததாம். ரெட்டி விஷயம்தான். அவன் தலைக்கு வட்டுன்னு முந்தின கம்பெனியிலே துரத்திவிட்டுட்டாங்களாம். விசாரிக்காம சேத்துட்டீங்க”.

வட்டுன்னா? மலையாளத்தில் பைத்தியம். நம்பியாரும் மலையாளமும் நாசமாகப் போக.

“இங்கே ஏம்ப்பா கூட்டம் போடறீங்க? போய் வேலையைக் கவனியுங்க. அந்தக் கிறுக்கனை வீட்டுக்கு அனுப்ப ஏற்பாடு செய்யச் சொல்றேன்”.

எஸ்.ஆர்.ஆர் சொல்லியபடி என்னைச் சந்திக்க வந்த குழுவை வெளியே துரத்திக்கொண்டு போனான். நம்பியாரும் என்ன இழவுக்கோ என்னைப் பார்த்துக் கட்டைவிரலை உயர்த்திக் காட்டியபடி வெளிநடப்புச் செய்தான்.

எல்லோரும் போக, ஒரு பையன் மட்டும் நின்றான். தெலுகுதேசப் பிரதிநிதிதான். ரஜினி சினிமா ரிப்பீட்டாகப் பார்த்து, தமிழும் சுமாராகப் பேசக்கூடியவன்.

“சார், ரெட்டி வந்ததுலே இருந்து ரெண்டு வாரம் நல்லாத்தான் வேலை பார்த்தான்.சகஜமாப் பேசினான். ஹைதராபாத்துலே கம்ப்யூட்டர் கம்பெனியிலே வேலை பார்த்திருக்கான் வெளிநாட்டு அசைன்மெண்டிலே ஆணி புடுங்க நியூயார்க் போயிருக்கான். அங்கே ராத்திரி வீட்டுக்குத் திரும்பற நேரத்துலே மக்கிங். அதான் சார், அடிச்சு உதச்சு வழிப்பறி செஞ்சதிலே ஆள் அப்செட் ஆயிட்டான். திரும்பி வந்து ஆஸ்பத்திரியிலே கொஞ்சநாள் அட்மிஷன். அப்புறம் உள்ளூர்லேயே வேலை”.

ஆஸ்பத்திரியில் இருந்து திரும்பி வந்து உள்ளூர் கிளையிலேயே ரெட்டி வேலைக்குப் போனபோது சக்கையாகப் பிழிந்து வேலை வாங்கியிருக்கிறார்கள். வெளிநாட்டில் கஸ்டமர் ஆபீசில் உட்கார்ந்து வேலை பார்த்து கம்பெனிக்கு மூணு மடங்கு அதிகம் வருமானம் தர அனுப்பினால் நஷ்டத்தை உண்டாக்கி விட்டுத் திரும்பி வந்தவனுக்கு கம்ப்யூட்டர் கசாப்புக்கடைகளில் இந்த மரியாதைதான் கிடைக்கும்.

அங்கே துரத்தி விடப்பட்டு எப்படியோ இங்கே வந்து சேர்ந்தபோது முதல் இரண்டு வாரம் எஸ்.ஆர்.ஆர் தினசரி பதினாறு மணி நேரம் உழைக்க வைத்திருக்கிறான்.

“ஏற்கனவே மைண்ட் அப்செட் ஆகியிருந்தவன் திரும்ப அதேபடி ஆகிவிட்டான். தினசரி ராத்திரி வழிப்பறிக் கூட்டம் டெலிவிஷன்லேயிருந்தும் லைட்டுலே இருந்தும் எறங்கி வந்து மிரட்டுதுன்னு சொல்லிப் பயப்படுறான். அவன் பொண்டாட்டியையும் கைக்குழந்தையையும் அவங்கதான் வலுக்கட்டாயமா மாமனார் வீட்டுக்குப் போக வச்சுட்டாங்களாம். ஊருக்குப் போய் அவங்களைத் திரும்ப அழைச்சு வந்துட்டா எல்லாம் சரியாப் போயிடும்னான். அதுவரை யாரையும் இங்கே கம்ப்யூட்டரை ஆன் செய்ய விடமாட்டானாம்.”

தெலுங்குப் பையன் தொடர்ந்தபோது சிவப்பு தொலைபேசி திரும்ப அதட்டியது. எடுத்துக் காதில் வைக்கும்போதே உஷ்ணத்தில் காது பொசுங்கியது.
“இருக்கற நல்ல ஆளை எல்லாம் போக விட்டுடறே. அப்புறம் ஸ்க்ரூ கழண்ட பசங்களை எங்கேயோ தேடிப் பிடிச்சு வேலைக்குச் சேர்த்துக்கறே. சீனியர் மேனேஜர் வேலைக்கே லாயக்கு இல்லாத ஆளய்யா நீ” கடவுள் எகிறினார்.

“சாரி சார். உடனே பத்திரமா ஊருக்கு அனுப்பி வைச்சுடறேன்”.

“நீ வேலையைப் பாருய்யா. நாய் வண்டியோ குதிரை வண்டியோ அவனே பிடிச்சுப் போய்க்கட்டும். ஒரு பைசா தரக்கூடாது சொல்லிட்டேன். “

பாத்ரூம் போய்விட்டு அடுத்த பிரச்சனையில் முழுகி முத்தெடுக்கக் கிளம்பினேன். கதவைத் திறக்கிறபோதே முட்டி மோதியபடி உள்ளே வந்தான் நம்பியார்.

“சார், தீபாவளிக்கு மட்டும் வேலை பார்த்தாப் போறாது. ஜப்பான்காரன் டெட்லைனை சந்திக்கணும்னா இன்னிக்கு ராத்திரியிலேருந்து தொடர்ந்து எல்லோருக்கும் சிவராத்திரிதான். கதவை இழுத்துப் பூட்டி இங்கே பொட்டி தட்டற பொண்ணு பையன் எல்லாரரையும் அடைச்சு வச்சுடலாமா? சும்மாவா? கை நிறையச் சம்பளம் வாங்கறாங்க இல்லே? உழைக்கட்டும். வாங்க, ஒரு மீட்டிங் போட்டு சொல்லிடலாம்”.

நான் ஒன்றும் பேசாமல் பாத்ரூமுக்கு நடந்தேன்.

நீனா சீட் பக்கம் நடந்தபோது தலையை நிமிர்த்திப் பார்த்தாள். அழுகை இன்னும் மாறாத குரலில் சொன்னாள் – “சார், லீவு இல்லேங்கிறார் பிராஜக்ட் மேனேஜர். நாங்க எல்லாரும் ரிசைன் பண்ணிட்டு ஊருக்குப் போறோம். இந்த வேலையே வேணாம். பப்ளிக் ஹாலிடே, ஞாயித்துக்கிழமை கூட வரச்சொல்றீங்களே. எதுக்கு உழைக்கணும்? யாருக்கு இதோட பலன் எல்லாம் போய்ச் சேருது? எங்களுக்கா?”

“நீனா, உனக்கும் உங்க டீம் மெம்பர்களுக்கும் நான் கொடுத்த ரெண்டு நாள் லீவுலே எந்த மாற்றமும் இல்லே. சாயந்திரம் ஊருக்குப் போயிட்டு தீபாவளி முடிச்சு உடனே வந்து சேருங்க. நான் கிளையண்டுக்குச் சொல்லிக்கறேன். காண்ட்ராக்ட் பிரகாரம் ஏற்கனவே ஒத்துக்கிட்ட ஷெட்யூலை மாத்தச் சொல்றது தப்புன்னு விவரமா லெட்டர் எழுதறேன். இந்த முடிவுக்கு நானே பொறுப்புன்னு மேலிடத்துக்கும் எழுதிடறேன். உங்களுக்கு எந்த பாதிப்பும் இருக்காது.”.

ரெட்டி சீட்டில் இருந்து எழுந்து வந்து ஹலோ சொன்னான்.

“சார், நானும் என் மகளும் இங்கே வெளியே இருந்தா கொன்னுடுவாங்க. உங்க அறையிலே வந்து உக்கார்ந்து வேலை பார்க்கறேன் சார். நாள் முழுக்க ராத்திரி முழுக்க கோட் அடிக்கச் சொன்னாலும் ரெடி. உங்க லேப்டாப்லே இருந்து அவங்க இறங்க மாட்டானுங்க. அப்புறம், உள்ளே லைட்டை மட்டும் போட்டுடாதீங்க.”.

அந்தக் கூண்டு வேணாம் ரெட்டி. அங்கே டெலிபோன்லே இருந்து இறங்குவாங்க.

நானும் இரண்டு நாள் லீவு போடப் போகிறேன். இவனைப் பத்திரமாக இவனுடைய வீட்டில் கொண்டு போய்ச் சேர்க்க வேண்டும். ஆளைப் பார்க்காமலேயே வேலையில் சேர்த்ததால் இதற்கும் நான் தான் பொறுப்பு ஏற்க வேண்டும். அவனுடைய, நீனாவுடைய மற்ற துக்கம் துயரமெல்லாம் நான் ஆற்ற முடியாத விஷயங்கள். குறைந்த பட்சம் பரிவு காட்டவேண்டிய கடமையாவது எனக்கு உண்டு. நான் ஜப்பான் நாட்டில் தயாரித்த ரோபோ இல்லை. இனியும் அப்படி ஆக உத்தேசம் இல்லை.

என் கண்ணாடி அறையைப் பார்த்தேன். அந்நியமாகத் தெரிந்தது. நான் திரும்பி வரும்போது அதற்குள் நுழைய வேண்டிய அவசியம் இருக்காது. அநேகமாக அங்கே எஸ்.ஆர்.ஆர் உட்கார்ந்திருப்பான். சிவப்பு தொலைபேசியில் பேசிக்கொண்டிருப்பான். எல்லோருக்கும் சம்பளத்தில் இன்னும் இரண்டாயிரம் அதிகமாக்கி, கூடுதல் நேரம் வேலை வாங்க ஆலோசனையாக இருக்கும் அது. .

“முழு ஆபீசுமே கண்ணாடிக் கூண்டாக்கிட்டேன். கதவைப் பூட்டி வை. யாரும் வெளியே போகக் கூடாது, வாரம் ஏழு நாள், தினம் இருபத்துநாலு மணி நேரம் வேலை”. கடவுள் அவனுக்கு உத்தரவு போட்டுக்கொண்டிருப்பார்.

(இரா.முருகன்)

Forex in tweets (first chapter of my on-coming book)

I am currently into a new venture (in addition to others in various degrees of progress). Write a simple guide to Foreign Exchange (Forex) with humor and in a chatty style – yes, what we employ for our Twitter micro blogging. ‘Forex in Tweets’. The first 48 tweets from the book are here -

Forex in tweets
——————
Have you leafed through the pages of this interesting book ‘Twitterature’? It is a Penguin publication (2009) written by two 19 year old students, Alexander Aciman and Emmett Rensin of University of Chicago. What is it all about? Well, literature in general and literature in particular – 61 of the world’s literary classics by great writers from Sophocles to Franz Kafkahave been retold in the twitter format – at the maximum 20 tweets for each book. The book is a roaring best seller.

If literature could be retold as tweets of maximum 140 characters (including spaces) in length each, why not banking?

Here is Forex for you – all in tweets (by @whatdhellforexyz aka Murugan Ramasami)

1) Have two hands? Wanna sell US dollars by right & buy equal Euros by left? Cool. That’s Forex trading. U arenow a Forex dealer. Only brokers n dealers trade. Othrs win, lose or teach Forex like me.

2) Currency never comes alone for trade. Always in pairs. EUR/USD, GBP/JPY. AUD/CAD, OMG/LOL. Ok, last one not a currency pair. U know others – u r already anointed a Forex trader, right?

3) When you buy, US $, in effect u r buying a share in US economy.Sounds gr8? Don’t expect Obama to pass on your share of federal revenue. No Nigerian mails, buddy. It doesn’t work that way.#Xtrabucks

4) Market cheers ‘fella rocks..at pink of health’ about an economy? Pinky ponky guy’s currency zooms up. That’s how US dollar always ends a rock fella!Bucket kickers’ currency turns toilet tissue. Sh.its fun?

5) Keep it simple jackass. Well, rate of exchange of a currency for any other currencyreflects on economies of both countries. Confused? Read that again to get more confused.ROFL.

6) Forex never sleeps, says d banker. U got to trade it 24 hours a day over d counter. Nothing under d counter, mind u.Crazy forex guys trade $2 trillion daily.How many zeros after 1, that is?

7) Forex more liquid than lager beer. More heady. Forex quite unlike shares and bonds. Ready cash always.

8) Shares can be sold only if u find a willing buyer. Can’t force mom-in-law to buy flop shares from u. Forex has ready takers even in Antarctica. US equity & treasury market tiny compared to Forex viswaroopam.

9) Until 2000, forex uppity n for up-class only. Only high net worth individuals to trade. Had to bring in minimum $1 million cash deposit backed by $5 million net worth. Show now open to commoners.

10) Feast eyes on Online trading platforms. 1000s of trades/min. Shed ur class inhibitions. Anyone can trade- thru a broker. Rub shoulders with Warren Buffet.Does Kate Winslet trade in Forex? Or Di Caprio?

11) Forex network winds like a giant jalebi. It’s a global electronic network of central banks, commercial banks, finance co.s, corporates, MFs, brokers traders, u, me, your boss -to buy & sell national currencies.

12) 90% of global Forex trade conducted in US $, British pounds, Euro, Japnese Yen, Swiss Francs,Canadian $& Australian $. Indian rupees joining d gang? Not now. We hv a symbol for currency & signs of chronic weakness.

13) Forex market follows d Sun. When Tokyo opens @9, it’s 7 PM y’day @NY & midnight in London. Tokyo closes when London @ 9 AM opens. When London closes @5, NY half-way-thru @noon.#keep_a_watch_onThis.

14) Multiple currency exchange rates prevail, being an OTC market. Rates depend on currency, place of trading, nature of txn& dealer. Money changers in Bangkok too smart. They can count upto 10.

15) London world’s good auld grandma metro & hence, d oldest exchange centre. Quote a currency’s price and no name dropping necessary. All except Prince Philip know it’s London quote rate#GodSaveQueen

16) After London,New York, Tokyo, Hong Kong & Singapore too prominent currency trade centres.Mumbai to join soon. Now they are busy conducting IPL auctions & discussing VidyaBalan’s new Hindi flick #english_chinglish

17) Forex center crown of glory status earned thru geo-specific economic factors of a city- balance of trade, industrial growth, presence of football stars &GDP growth. OK, footballers & God don’t belong here.

18) Political factors too determine VIP status 4 Forex trading – stability of Government,no impending wars, no terrorism, perception of d rulers. No, Vatican does not qualify. Pope can’t trade. Even the brand new one.

19) Also market psychology / sentiments based on logical / illogical view on geo-political, economic incidents make a Forex trade center super star. How about astrological/vaasthu factors?#ursdoubtfully

20) Time to tango with Forex txns.Tom deal settled txn day + 1. Say, u buy US $ today, pay rupees tomorrw n take delivery. B’cos, In God US trusts and others ‘ve to pay in cash. Same with all currency tom deals.

21) Forex Spot txns – txn day+ 2 daysdelivery in general. US Dollar, EURO &Ruble settlenext business day. Why does one want to buy Ruble unless he excommunicates himself to Siberia?#existentialists_at_work

22) U believe 2 months from now, Sun’ll rise in East &urson’ll give d car an annual wash. And it happens. Forex forward? Buyer & seller agree on xchnge rate 4 future date currency trade; no going back on agreement @future date, come what market rate then is#wada_karle_sajna

23) Forex swap? Give bald eagle, get kiwi today; 2 months from now, return kiwi, get bckbaldie. Agree on xchange rates 4 both trades in advance.No ornithologist stuff. US $ bald eagle;NZ Guilder kiwi. Forex traders are birds of same flock & swap merrily.

24) Forex Option? Pretty serious stuff. Gives u right to trade but no obligation to trade. Trade union at work? No buddy. Shall tell u how-d-stuff-works afterwards. Hell wth knowledge overload.

25) Forward Forex contract locks d rate at which u can buy or sell a currency at a future date. Except when u guess correct and get a dinosaur coming for dinner, d lock stands firm.

26) Don’t like d name? Call it ‘Forward outright’ or ‘outright forward currency transaction’. No thanks. Forward Forex easy to remember like Richard Parker.

27) In Forex Forward, buyer & seller obliged to perform their roles – buy or sell @ specified rate, @specified quantity & @specified future date. No contract transfers pls. Can cancel contract b4 due date n pay thru ur nose. It’d appear like Grand Canyon #warner_bothers

28) It takes two to tango or to enter into a forward Forex contract. Counterparties come with speculation currency exchange rate moves in their own favor. U hit a ton or he takes ur wicket!

29) Strange are ways of currency forward. No realism.Guys fix a notional amount. Reap a profit or suffer a loss based on currency fluctuation- for that amount. U wanna get out? Wait. Its easy like pealing a banana #monkey_stuff

30) U hv a forward forex to buy 1000 USD at Rs 55 per $ from Mr.CounterParty(Mr.CP) 2 months from now. Today 1 dollar spot exchanged @ Rs 53. Fast forward 2 months. We still exist to paytaxes #holdOn

31) 2 months from now, exchange rate Rs 60 per $. U rock. Ur friend buys dollar at Rs 60 & u get it at Rs 55 from CP. Contract dictates d rate, Counter Party acts. Tell him ‘better luck next time’.

32) Alternate story line? 2 months from now, open market sells dollar at Rs 50. No way. U hv to pay Rs 55 per $ to ur Counter Party. Contract is God. Pulling a long face?Better luck next time mate.

33) Notional amount?Well, u fix a million $ as contract amount exchanged for Rs. Calculate Rs.valueA on contract due date at market rate. Also value B at contract rate. If A less than B, pay B minus A to counterparty. Else collect A minus B from him. Going bananas? Blame it on Forex.

34) Official name for notional forex play? Non-deliverable forward (NDF) where counterparties settle difference between contracted NDF rate & d prevailing spot price or rate on an agreed notional amount.

35) NDFs prevalent in some countries where forward FX trading is banned along with idli, dosa and vada on Tuesdays.

36) A forward contract is a derivative- can’t stand on its own like a B’wood star aftr a b’day bash. Strong exchange rate behind it. Currency Options and swaps too birds of same feather. No ostrich here; all soar in Forex horizon.

37) More on currency options now. It is simple like spelling Czechoslovakia. Only, options hv come to stay; good old Czechoslo..OMG its gone!

38) An option is a contract written by a seller that conveys to buyerright but not the obligation. God created Call and Put options, bowing to market demands.

39) Call option- right to buy a particular asset @ particular price on or b4 a future date. And put?Right to sell a particular asset @ particular price on or b4 a future date#whatdHeavenIsIt?

40) Today xchange 1 USD=1.25 Euro; Euro may bcome weak next month-blame it on Cyprus.Xchange rate could be 1 USD = 1.50 Euro. Could be.Watch d word!

41) I sell you a call option-1 month from now I’ll sell you a put option for 1000 USD at 1 USD = 1.30 Euro. U now hv right to CALL me to deliver u next month 1000 USD. U will pay me 1300 euros while market exchanges 1 USD to 1.40 Euro. Smile like Mona Lisa. U win by a mile n half.

42) And if 1 month from now, market exchanges 1 USD to 1.25 Euro? Brave heart, u r not duty bound. Need not pay me 1.35 euro to get 1 USD.Trash d contract. I won’t take u to court. Lawyers on strike.

43) Call option gives u right to exercise contract but no obligation. Contract price 1 USD=1.30 Euro called Strike Price. U buy call option n u r risk free. I sell call option n I ve risk unlimited

44) How abt a different ball game? I sell u a put option – 1 month 1000 USD @ 1 USD = 1.35 Euro. U guessed it. Yes, u hv the right to put 1000 USD on ur table n command me to pay 1135 Euro next month when market pays only 1.03 Euro for 1 USD. U win hands down with put option too.

45) If 1 month frm now, market sells 1 USD = 1.40 Euro, u shred d put option n watch Django Unchained. U r not obliged to sell though u hv d right to sell at strike price.

46) Call or put, inreturn for granting doption, option seller collects a paymentfrom u. Call it premium. Amount depends on contract size, period and strike price.

47) Exchange traded options? They hv standard contract features ntrade on public exchanges like shares. Clearing Corporation provides settlement guarantee. Zero-risk.#SleepTight

48) Exotic options? Not what u get in Honalulu. Knock out, Knock in, basket..to name a few. Sample knock out – they perform a vanishing trick if market reaches a particular rate. Knock in-spring to life if market reaches a particular rate#FunWithForex

Guvernica and Keshav’s yin-yong Krishna

Wrote to my friend, painter and cartoonist Keshav on his recent painting of Krishna -

Dear Keshav,

Read the responses seeking explanation on ‘Krishna’ shared on your time line.

The culture of art appreciation in India revolves around a core response, ‘ this painting is so real, faithful to the original’.

We are ready to walk an extra mile to interpret a poem or a work of prose, make extra efforts to understand the basics of the Ragha and thala of the song we hear sung or played but expect the painter to explain what he is conveying through his work.

As an exasperated Pablo Picasso once said about his famous painting Guernica, ‘.this bull is a bull and this horse is a horse… If you give a meaning to certain things in my paintings it may be very true, but it is not my idea to give this meaning. What ideas and conclusions you have got I obtained too, but instinctively, unconsciously. I make the painting for the painting. I paint the objects for what they are’. And still the debate is on as to how Picasso expresses his strong opinions against the Spanish Civil War in this painting.

Thanks for the daily ambrosia of Krishna – Oh Lord in Heaven, give us through Keshav our daily Krishna. And the brilliant venpa from Mohan-ji, accompanying each sketch!!

warm regards
era
———————————-

KRISHNA FOR TODAY….

“புருஷனும் ப்ரக்ரிதியும் பின்னிப் பிணைந்த
தரிசன தாமோ தரனுக்(கு ) -ஒருஷணத்தில்
INஏங்கும் ராதைக்கு OUTடோடும் கீதைக்கு
IN-YANGசை னீஸ்வரன் இன்று”….கிரேசி மோகன் ….

சைனா +ஈஸ்வரன் =சைனீச்வரன்

——————————————————————
Kalamandalam Gopi – a new metaphor for work life – personal life balancing

I am providing the URL to an excerpt from the classic documentary by Adoor Gopalakrishnan on Kathakali maestro Kalamandalam Gopi.

In this scene artistically conceived by Adoor, Kalamandalam Gopi introduces to the viewer his stage consort for 35 long years, Kottakkal Sivaraman
(who passed away 3 years ago).

The pair’s performance in Nala Charithram aatta katha with Gopi as Nalan and Sivaraman as Dhamayanthi is still remembered by Kathakali lovers throughout the world.

Adoor commences the scene with Gopi sitting cross legged on the floor and beginning with a lovely smile, ‘Let me introduce my on-stage ‘wife’, Kottakal Sivaraman, for the past 35 years’.

Sivaraman is sitting to the right of Gopi, a few feet away from him and somewhat in front. Then Gopi continues, ‘now let me introduce my wife in real life, Chandrika’.

The camera pans to the left and there sits his wife Chandrika at the same distance from Gopi and a little in front, like Sivaraman.

The seating of characters and the lighting of the screen appear aesthetically pleasing as we saw in Kurasowa movies (remember the war strategizing scene in Kagemusha with Tatsya Nakadai presiding over the war council meet at night?).

Adoor cuts here and the next scene opens with another famous kathakali performancea ‘Karna moksham’. Sivaraman is here Kunti who reveals to the orphaned Karna (Gopi) she is his mother. The lilting music glides through as both characters emote without words and Karna falls at the feet of Kunti – another poignant scene.

Adoor weaves magic in this documentary like in any movie of his.

The scene I mention here commences at 1.11 min on the displayed strip. a thanks to the makers-referred here only for appreciating good cinema.

Quo Vadis – bank profits?

ToI reports ‘Fee based income of banks under pressure’.

On payments front, banks have lost to third party operators globally. Conventional sources like safe deposit locker renting or LC issue /amendment, guarantee fees don’t yield considerably and are drying up. For example, eCommerce portals enable non-LC based activities like open accounts trade.

Of course with an element of risk, global banks are trying to tap alternate sources like

a) interest only payment mortgage with principal paid as premia into an endowment policy

b) equipment leasing with back to back arrangement (credit extension) with equipment manufacturers

c) enhanced emphasis on DP Participant (trading) activities and venturing into security lending (intra day traders may have a field day!)

d) providing B2B and B2C eCommerce platforms and managing the settlement backbone..

e) change of lending paradigm – disburse and distribute (securitization) loans instead of the conventional disburse and hold loans (mortgages, pledges etc)

If we are going to sit tight, our competitors may overtake us in this rat race…

For a few dollars more… which way shall we take?

————————————————————————
Bank of Maharashtra charge sheets an ex-Workman director for publishing an ‘obscene poem’ about Mahatma Gandhi in their in-house magazine.

Thank God, I was not with Bank of Maharashtra but with IOB. Had I been, I would have been hanged to death for my novels!
—————————————————————-

Nitish for building a common platform//understand he is in talks with Bill Gates for customizing Dot Net and also wth SAP for NetWeaver

——————————————
பணச் சலவை (money laundering) செய்ய ஒரு பத்திக்கு மிகாமல் ஒரு வழிமுறை கூறுக.

’வருமான வரி மூவாயிரம் டாலர் வருகிறது என்று வைத்துக் கொள்ளுங்கள். நீங்கள் பாடுபட்டுச் சேர்த்த கருப்புப் பணத்தில் இருந்து வரியாக முப்பதாயிரம் டாலர் கட்டி விடுங்கள். அப்புறம் கணக்கு சமர்ப்பிக்கும்போது (filing of It return), அதிகமாக 27000 டாலர் கட்டி விட்டேன் என்று முறையிடுங்கள். அரசாங்கக் கணக்கில் இருந்து கிட்டத்தட்ட 27000 டாலர் உங்களுக்குத் திருப்பித் தரப்படும். ஆக, உங்கள் கறுப்புப் பணத்தை அரசாங்க தயவில் 27000 டாலர் அளவு வெண்மையாக சலவை செய்து விட்டீர்கள்.’

இந்த குடாக்குத்தனமான யோசனை எல்லாம் வெள்ளைக்காரனுக்குத்தான் வரும். கொக்கு தலையில் வெண்ணெயை வைத்துப் பிடிப்பது இதைவிட எளுப்பம்.

நம்ம ஊர்லே அதிகமாக வரி கட்டினால், அடுத்த ஜன்மத்தில் பூர்வ ஜன்ம ஞாபகத்தோடு பிறந்து ஹேபியஸ் கார்ப்பஸ் பெட்டிஷன் போட்டு முந்திய ஜன்ம PAN Code கொடுத்து க்ளெய்ம் செய்தால் கிடைக்க வழியுண்டு என்று தெரிகிறது.
—————————————————–
சும்மா இலக்கிய மூச்சு விடாமல் ஒரு சேஞ்சுக்காக வங்கி, கணினி என்று பேருரை நிகழ்த்தத் தீர்மானித்தேன். அதாவது, வங்கி அதிகாரிகளும், ஆடிட்டர்களும் (சராசரி வயது 50) ஒரு அறுபது பேர் நிறைந்த அவையில் வரும் சனிக்கிழமை மாலை சொற்பொழிவு. தலைப்பு ‘3rd Generation Anti money laundering systems and customer profiling’.

இந்த வரண்ட தலைப்புக்கு அப்புறம் Islamic Banking, Derivatives, FATCA, Non delivery commodity market instruments, Forex integrated Treasury என்று இன்னும் கனமான வங்கித்தனமான தலைப்புகளை எதிர்பார்க்கிறேன்.

இலக்கியக் கூட்டம் என்றால் பூக்கோவிலிருந்து வைகோ வரை எடுத்துக் காட்டி, சூளுரைத்து, ஒப்பிட்டு, கோபப்பட்டு, கிண்டல் அடித்து இரண்டு மணி நேரம் பேசி விடலாம். வகுப்பு எடுப்பது என்றால் பவர்பாயிண்ட் பிரசெண்டேஷனை மவுனப் படம் மாதிரி ஓட்டிக் கொண்டு மூச்சு விடாமல் பொழிந்து தள்ளி விடலாம். டிரைவேடிவ்? ஆண்டி, அங்கிள் மணி லாண்டரிங், அதுவும் மூன்றாம் தலைமுறை கம்ப்யூட்டர் சிஸ்டம்களின் படம் வரைந்து பாகம் குறிப்பது.. குருவாயூரப்பா

இன்னும் மூன்று நாள் பேஸ்புக் பக்கம் தலைவைத்து படுக்கக் கூடாது!
————————–
இந்த வங்கி–கணினி சொற்பொழிவுகள் வெற்றியடைந்தால் அடுத்த மார்கழி சங்கீத சீசனில் நானும் சொற்பொழிவுத் தொடரைத் தொடங்கி விடுவேன், ஆமா. குறுந்தகடு வெளியீட்டாளர்கள் தொடர்பு கொள்ளவும்.

—————————————————-

‘விஸ்வரூபம் எடுத்த முருகன்’ – அரவிந்த் சுவாமிநாதன்

’தென்றல்’ அரவிந்த் சுவாமிநாதன், விஸ்வரூபம் நாவலுக்கு எழுதிய விமர்சனக் கட்டுரை.

இந்தக் கட்டுரையாளர் அரவிந்த் சுவாமிநாதன் பற்றி ஓர் சிறிய அறிமுகம்…

அமெரிக்காவிலிருந்து வெளி வரும் தென்றல் மாத இதழின் Associate Editor திரு. அரவிந்த் சுவாமிநாதன் (ரமணர் ஆயிரம் மூலம் நமது வாசகர்களுக்கு ஏற்கனவே அறிமுகமானவர் தான் இவர்.
——————————————————————-
Arvind Swaminathan’s mail 8/6/2013

நான் நாவலை ஏப்ரல் இறுதியிலேயே முடித்து விட்டேன். விஸ்வரூபத்தையும் இன்ன பிற நூல்களையும் படிப்பதற்காக கொஞ்ச காலம் முக நூலுக்குக் கூட
வராமலிருந்தேன். (படிக்கவும் தனியாக நேரம் ஒதுக்க வேண்டிய காலத்தில் நாம்
இருக்கிறோமே)

மகாலிங்கய்யர் என்னை மிகவும் கவர்ந்து விட்டார். அதனால் அவர் பற்றிய
அத்தியாயங்கள் முழுமையும் திரும்ப ஒருமுறை படித்துப் பார்த்தேன். அதேபோல்
தெரிசாவும் என்னைக் கவர்ந்த ஒரு பாத்திரம்.

சில நாட்கள் ஒதுக்கி இந்த கருத்துரையை (விமர்சனம் என்று சொல்லலாமா எனத்
தெரியவில்லை. அந்தத் தகுதி எனக்கு உள்ளதா என அறியேன்) எழுதினேன்.
படித்துப் பார்த்தபின் நிறையவே எழுத விட்டுப் போனதும் புரிகிறது.

கருத்துரையோ, விமர்சனமோ அது எதுவாக இருந்தாலும் அந்த நூலுக்கு உண்மையாக, அது சொல்லும் விஷயங்களுக்கு உண்மையாக, அதை எழுதியவருக்கு உண்மையாக, நமக்கும் உண்மையாக இருக்க வேண்டும் என்பதே என் கருத்து. மேலும் அது விமர்சிப்பவரின் மேதைமையக் காட்டாமல், தன்னை முன்னிறுத்திக் கொள்ளாமல் இருக்க வேண்டும் என்பதும் என் எண்ணம். அப்படியே நான் எழுதி வருகிறேன். எழுத முயற்சிக்கிறேன்.

அதிக வாசிப்பு – அதாவது பழங்கால நூல்கள், இலக்கியங்கள் முதல் நவீன
இலக்கியங்கள் வரை – இல்லாதவர்களுக்கு விஸ்வரூபத்தைப் படிப்பது
அயர்ச்சியாக இருக்கும். நான் சிறுவயது முதலே ’கனகாங்கி’, ’இரத்தினபுரி
இரகசியம், ’மோகனாங்கி’ கருங்குயில் குன்றத்துக் கொலையில் ஆரம்பித்து நவீன
நூல்களை (தமிழில் மட்டும் தான் :-( ) படித்து வருவதால் எனக்கு வாசிக்க
சுகமாகவும், சுவாரஸ்யமாகவும் இருந்தது. (குறிப்பாக மகாலிங்கய்யன்
கடிதங்கள் ;-) நான் அவருக்கு ரசிகனாகி விட்டேன்)

பாட்டியின் அம்மா வகையறா எல்லாம் பாலக்காடு என்பதாலும், (காரைக்குடி
கோட்டையூரில் அவர்கள் வசித்தார்கள்) மலையாள உரையாடல்களைப் படிப்பதிலும்
ஒன்றும் தடுமாற்ற மேற்படவில்லை.

சென்னையில் பிறந்து வளர்ந்ததால் சென்னை பாஷை படிக்க சிலாக்கியமாக
இருந்தது. பிராமண பாஷை நாம் வீட்டில் பேசுவது தான்.

நல்ல முயற்சி. அச்சுதம் கேசவம் அருமையா அமைய வாழ்த்துக்கள்.

அருமையான நாவலைத் தந்தமைக்கு மிக்க நன்றி.

விரிவாக எழுத வேண்டும் என்பதாலேயே இந்த தாமத மடல்.மன்னிக்க. (இணைய
இணைப்பும் சரியில்லை என்பதும் ஒரு காரணம்)

நன்றி
————————————————————————————————–

விஸ்வரூபம் எடுத்த முருகன் – அரவிந்த் சுவாமிநாதன்
————————————————————————————–

தலைப்பைப் பார்த்தவுடன் “பெருமாள் தானே விஸ்வரூபம் எடுத்ததாகப் படித்திருக்கிறோம், முருகன் எப்போது எடுத்தார், ஒருவேளை சூரசம்ஹாரம் பற்றிய பதிவோ” என யாரும் ஐயுற வேண்டாம். இது பெருமாளைப் பற்றிய பதிவல்ல. வழக்கமாக பாலஹனுமானில் இடம்பெறும் கடவுளைக் குறித்த வியாசங்களுமல்ல. இரா.முருகன் அவர்கள் எழுதிய ”விஸ்வரூபம்” எனும் பிரமாண்ட நாவல் பற்றிய கருத்துரையே இது.

தனக்கென ஒரு தனிப்பாணியில் குறிப்பிடத்தக்க சிறுகதைகளையும், கட்டுரைகளையும் இலக்கிய உலகுக்குத் தந்திருப்பவர் இரா. முருகன். வித்தியாசமான சொல்லாடல்களாலும், கதைப்பின்னல்களாலும், மொழி நடையாலும், நகைச்சுவையாலும் ”சின்ன வாத்தியார்” என்று அழைக்கப்படுபவர். (வாத்தியார் = சுஜாதா என்பது நான் சொல்லாமலேயே எல்லோருக்கும் தெரிந்திருக்கும்). முருகனது எழுத்தாளுமையின் முழுத்திறனுடனும் வெளிப்பட்ட நாவல் என்று “அரசூர் வம்சம்” நாவலைச் சொல்லலாம். ”மாந்த்ரீக யதார்த்தம்” என்பதைக் கையில் எடுத்துக் கொண்டு அநாயாசமாக அதில் புகுந்து விளையாடியிருப்பார். தமிழில் அப்படிப்பட்ட நாவல்களை எழுதுவதென்பது எளிதல்ல. எளிதில் சோர்வடைந்து போகக் கூடிய வாசகனை சுவாரஸ்யம் குன்றாமல் படைப்போடு பிணைத்து வைப்பது மிக முக்கியம். தனது மொழியாளுமையால் அதில் வெற்றி பெற்ற படைப்பாளியான இரா. முருகன் அடுத்து எய்திருக்கும் பிரம்மாஸ்திரம் தான் விஸ்வரூபம்.

பெயருக்கேற்றார் போல் உண்மையில் ”விஸ்வரூபம்” எடுத்து நிற்கிறது இந்த நாவல். (கூடவே இரா. முருகனும் தான்) 790 பக்கங்களில் எழுதப்பட்டிருக்கும் இந்த நாவலை, “ மிகப் பெரிய கான்வாஸில் நிகழ்த்தப்பட்ட மிகப் பெரிய ஆச்சரியம்” என்கிறது கவர்ச்சியான முன்னட்டை. அது நிச்சயம் மிகையல்ல. நான்கைந்து பக்கங்கள் எழுதுவதற்குள்ளேயே இங்கே விரல்களும், மூளையும் களைத்து விடுகின்றன. 780 பக்கங்களில் ஒரு நாவல் – அதுவும் குழப்பமோ, அலுப்போ எதுவுமே நேராத ஒரு நாவல் – படைப்பது என்பது சாதாரண விஷயமில்லை. அரசூர் வம்சத்தின் இரண்டாம் பாகமாக உருவாகியிருக்கும் விஸ்வரூபத்தை அரசூர் வம்சத்தைப் படிக்காமலேயே படித்தாலும் புரியும் என்பது முருகனின் குழப்பமில்லா நடைக்கு ஒரு சான்று. நான் கவனித்த வரையில் கிட்டத்தட்ட 8 மொழிநடைகள் (அதற்கு மேலும் இருக்கலாம்) இந்த நாவலில் இருக்கின்றன. இந்தியா, லண்டன், மொரீஷியஸ் என்று பயணக்கும் இந்த நாவலில் சென்னை, திருக்கழுக்குன்றம், புதுச்சேரி, குருவாயூர், அரசூர், மங்கலாபுரம் (மங்களூர்), எடின்பரோ, என்று எத்தனை ஊர்கள்… எத்தனை மொழிகள், கலாசாரச் சூழல்கள்…!!! ஐம்பதிற்கும் மேற்பட்ட கதாபாத்திரங்கள் வந்து போகிறார்கள். ஆனால் படிக்கும் போது ஒரு குழப்பமும் நேரவில்லை. எப்படி என்று சற்று மலைப்பாகத் தான் இருக்கிறது. இதுவே இப்படி என்றால் இந்த எடிட் செய்யாத வடிவம் நிச்சயம் ஆயிரம் பக்கங்கள் கொண்டதாவது இருந்திருக்கும் என்று நினைக்கிறேன். கிட்டத்தட்ட பல்லாண்டு கால உழைப்பு இதில் இருக்கிறது. நிச்சயம் அசுர உழைப்புதான். அசுர எழுத்துதான்.

மேஜிகல் ரியலிசம் என்பது தற்கால வாசகர்கள் பலருக்கு புதிதாகத் தோன்றினாலும் அது காலம் காலமாக நம்முடன் இருப்பதுதான். உரைநடை என்று எடுத்துக் கொண்டால், ஆயிரத்தோரு இரவு கதைகள், பட்டி-விக்கிரமாதித்தன் கதைகள் என பலவற்றிலும் இருப்பதுதான். இலக்கிய வகையில் பார்த்தால் ”சிலப்பதிகாரம்” மேஜிகல் ரியலிசத்திற்கு சிறந்ததொரு உதாரணம். பாசண்ட சாத்தன் குழந்தையாக வருவது முதல் கோவலன் மற்றும் கண்ணகியின் தாயினது ஆவிகள், கண்ணகி போன்றோர் ஆலயக் கால்கோள் விழாவில் சேரனுடனும், இளங்கோவடிகளுடனும் பேசுவதும் ஒருவிதத்தில் ”மாந்த்ரீக யதார்த்தம்”தான். தேவந்தி, மாதரி, கோவலன் மற்றும் கண்ணகியின் தாய் போன்றோரின் ஆவிகள் மூன்று சிறுமிகளின் மீது ஆக்கிரமித்தலை சிலம்பில் நாம் காண்கிறோம். கண்ணகியே இளங்கோவடிகளுக்கு ஆவியுருவில் காட்சி தந்தாள் என்றும் ஆசி கூறி வாழ்த்தினாள் என்றும் இளங்கோவடிகளே நூலின் இறுதியில் குறிப்பிட்டிருக்கிறார். சிலம்பில் மட்டுமல்லாது மணிமேகலை, முத்தொள்ளாயிரம், கலிங்கத்துப் பரணி போன்ற தமிழின் பண்டை இலக்கியங்கள் பலவற்றிலும் “இயற்கைப் பிறழ்ந்த நிகழ்வுகள்” பேசப்பட்டிருக்கின்றன. அந்த இயற்கைப் பிறழ்ந்த நிகழ்வுகளே நவீன இலக்கியத்தில் ”மாந்த்ரீக யதார்த்தம்” என்று சொல்லப்படுகிறது.

அந்த வகையில் ஒரு மாந்த்ரீக யதார்த்த நாவல் விஸ்வரூபம். ஆனால் இதனை மாந்த்ரீக யதார்த்த நாவல் என்று மட்டும் சொலவதை விட அதி புனைவு (hyper fiction) என்று சொல்லலாம் என்றே நான் நினைக்கிறேன். படிக்க ஆரம்பித்த பின் முடிக்காமல் வைக்க முடியாது என்று சொல்வார்கள். அதற்கு இந்த நாவல் ஓர் உதாரணம். காலத்தை முன்னும் பின்னும் பயணிக்கும் கால இயந்திரத்தில் தானும் ஏறி கூடவே நம்மையும் ஏற்றிக் கொண்டு பயணிக்கிறார் இரா.முருகன். என்ன ஒரு சுவாரஸ்யமான பயணம் அது. சற்றேனும் அலுக்காத பயணமும் கூட. நாவலின் கிண்டலும் கேலியுமான நடை நம்மை ஈர்க்கிறது. ஆங்காங்கே புன்னகையை வரவழைக்கிறது.

ஏப்ரல் 12, 1899ல் ஆரம்பிக்கும் இந்த நாவல் பல ஆண்டுகளைக் கடந்து 1939 பிப்ரவரி ஆறில் முடிகிறது. அதுவும் எந்த அம்பலப்புழை கிருஷ்ணன் கோயிலில் ஆரம்பிக்கிறதோ அங்கேயே. ஆரம்பித்தும் முடித்தும் வைப்பவன் நடேசன். ஆனால் அவன் இந்தக் கதையின் நாயகன் அல்ல. இந்தக் கதையின் நாயகன் என்று தனியாக யாரையும் குறிப்பிட்டுச் சொல்ல முடியாதுதான். ஆனால், அப்படியும் சொல்ல முடியாது. ஒருவர் இருக்கிறார். அவர் தான் இந்தக் கதையின் நாயகன், வில்லன், நகைச்சுவைக் கதாபாத்திரம், குணச்சித்திர வேடம் எல்லாம். அவர் யார் என்பதைத் தொடர்ந்து பார்ப்போம்.

(தொடரும்)

———————————————————————————————————–
2-விஸ்வரூபம் எடுத்த முருகன் – அரவிந்த் சுவாமிநாதன்

நாவலில் நாயகன் மட்டுமல்ல; நாயகி என்று ஒருவரையும் குறிப்பிட்டுச் சொல்ல வேண்டும். அவள் தெரிசா. வேதமேறிய ஜான் கிட்டாவய்யன் – சிநேகாம்பாளின் புத்திரி. தெரிசாவின் நினைவலைகளாக வரும் பகுதிகள் படிக்க மிக சுவாரஸ்யமானவை. நாவலுக்குள் நம்மை அப்படியே இழுத்துக் கொள்பவை. அந்தக் கால பிராமண பாக்ஷையை மட்டுமல்ல; அந்தக் காலச் சென்னையையும் கண் முன் கொண்டு வந்திருக்கிறார் இரா.மு. அத்தியாயங்களை படிக்கப் படிக்க சுவாரஸ்யம் இம்மியளவும் குறைவதில்லை. விதம் விதமான கதாபாத்திரங்களுக்கும் குறைவில்லை. சாமா என்கிற சாமிநாதன், சங்கரன், கொட்டக்குடி தாசி, சுப்பம்மாள், கிட்டாவய்யன், ஜமீந்தார் (மகாராஜா), ஜமீந்தாரிணி (மகாராணி), ராஜாவைத் திட்டி வெறுப்பேற்றும் மாமனார் புஸ்தி மீசைக் கிழவன், பனியன் சகோதரர்கள், கண்ட இடத்தில் பெய்து வைக்கும் வயசன் என்று விதவிதமான கதாப்பாத்திரங்கள் அரசூர் வம்சத்தில் வந்து செல்வார்கள். விஸ்வரூபத்திலும் அவர்களில் சிலர் தொடர்கிறார்கள். குறிப்பாக ராஜா, ராணி, வேதத்தில் ஏறின ஜான் கிட்டாவய்யன், மருதையன், பகவதி போன்றோர். ஆனாலும் அரசூர் வம்சத்தைப் படிக்காமல் இதைப் படித்தாலும் புரிந்து கொள்வதில் ஏதும் குழப்பமிருக்காது என்பது இரா.முருகனது எழுத்தின் பலம். அதேசமயம் இந்த நாவலின் களமும், நடையும், கனமும், புரிபடாதவர்களுக்கு, இந்த வகை எழுத்திற்குப் புதிய வாசகர்களுக்கு மிகப்பெரிய மலைப்பை ஏற்படுத்தி விடும் என்பதும் உண்மை.

நாவலின் கதாநாயகன், வில்லன், நகைச்சுவைப் பாத்திரம், குணச் சித்திர வேடம் என்று முன்பு சொன்னேன் அல்லவா? அது வேறு யாரும் அல்ல; மகாலிங்கய்யன் எனும் கதாபாத்திரம் தான். ஆந்திர தாசியோடும், ரெட்டிக் கன்னிகையோடும், இன்ன பிறரோடும் அவன் அடிக்கும் கூத்துக்கள், வரதராஜ ரெட்டியாய் மாறி செய்யும் செயல்கள், கப்பலில் மொரீஷியஸ் போய் பாக்ஷை தெரியாத ஊரில் நாயகனாய் போடும் ஆட்டங்கள், பின் சொத்தை எல்லாம் கள்ளக் காதலியிடம் இழந்து, மனைவி லோலாவால் விரட்டி அடிக்கப்பட்டு மாறுவேடம் பூண்டு அலைந்து திரிவது, பிணத்தின் கையில் உள்ள ரொட்டித் துண்டுக்கு ஆலாய்ப் பறப்பது, பின் ஜெயிலுக்குப் போவது, விடுதலையாவது, சென்னைக்கு வருவது என காதல், சோகம், வீரம், நகைச்சுவை என எல்லாம் கலந்த கதாபாத்திரம் இந்த மகாலிங்கய்யன். சில சமயம் இந்த மகாலிங்கய்யன் சினிமா கதாநாயகன் போல் மாறுவேடம் எல்லாம் போட்டுச் சுற்றுகிறான். காதலிகளுடன் சல்லாபம் செய்கிறான். சளைக்காமல், அலுக்காமல் விதம் விதமாய் காமம் துய்க்கிறான். கடைசியில் கப்பலில் கேப்டனுக்கு ‘மூத்திரத் துணி’ தோய்க்கிறான்.

விஸ்வரூபம்” நாவலின் கடைசியில் நம்மைச் சற்றே சோகத்தில் ஆழ்த்தினாலும் நாவலின் உண்மையான ஹீரோ இந்த மகாலிங்கய்யன் தான். அடேயப்பா, அவன் தான் எத்தனை எத்தனை கடிதங்கள் எழுதுகிறான். மனைவிக்குப் போய்ச் சேருமோ, சேராதோ என்ற சந்தேகம் இருந்தாலும் கடிதம் எழுதுவதில் ஒன்றும் குறைச்சலில்லை. அவனுக்கு முன்னால் அவ்வப்போது எதிர்ப்பட்டு குடைச்சல் கொடுக்கும் அம்பலப்புழை மகாதேவனின் ஆவி உருவம் வேறு அவனுக்கு பொறுக்க முடியாத துன்பத்தைத் தருகிறது. அதனையும் சகித்துக் கொண்டு ஸ்த்ரீ சம்போகம் சுகிக்க அவன் அலைவதைப் பார்க்கும் போது… மனித மனதின் விசித்திரங்கள் புலனாகின்றன. கடைசியில் மைலாப்பூரில் தான் சம்பாதித்துச் சேர்த்தை எல்லாம் இழந்து தான் வீழ்ந்த வீட்டின் வாசலிலேயே அவன் மரித்துக் கிடப்பதைப் பார்க்கும்போது, இத்தனையும் இதற்குத் தானா என்று தோன்றுகிறது.

அட மனித வாழ்வின் விசித்திரமே அது தானே! ஆனால் அது ஆரம்பத்தில் புரிந்து விடுகிறதா என்ன? (இருந்தாலும் மகாலிங்கய்யனை நீங்கள் சாகடித்திருக்கக் கூடாது முருகன் சார்!, மனசுக்கு ரொம்ப கஷ்டமாப் போச்சு)

நாவலின் மிக நேர்த்தியான, முழுமையான பாத்திரப் படைப்பு இந்த மகாலிங்கய்யன். அவன் எழுதிய கடிதங்களை மட்டும் தொகுத்து தனி நூலாக்கினாலேயே அது மிகவும் சுவாரஸ்யமானதாக இருக்கும் என எண்ணுகிறேன். பிஹெச்டி, எம்பில் செய்வோருக்கு மிகச் சரியான நூல் “விஸ்வரூபம்.” இதன் பாத்திரப்படைப்புகள் பற்றி, மேஜிக்கல் ரியலிசம் பற்றி, நாவலின் பன்முகத் தன்மை பற்றி என பல தளங்களில் ஆய்வு செய்யலாம்.

மனித மனம் – அதுவும் ஆணின் மனம் சுற்றிச் சுற்றி காம விசாரணையையே செய்து கொண்டிருக்கும் என்ற ஒரு உளவியல் கூற்றிற்கேற்ப நாவலில் ஒரு சிலர் தவிர காமம் பற்றிப் பேசாத ஆண்களே இல்லை எனலாம். அது நீலகண்ட அய்யரோ, அவன் ஃப்ரெண்ட் நாயுடுவோ, மலையாளத்து மனிதர்களோ எப்படி, எதைப் பேசினாலும் சுற்றிச் சுற்றி அங்கேதான் வந்து முடிக்கின்றனர். நல்ல வேளை எல்லா ஆண்களும் இப்படி இல்லை என்பது கொஞ்சம் நிம்மதியைத் தருகிறது.

நாவலின் விதம் விதமான மொழிநடைக்கும், சுவாரஸ்யமான உரையாடல்களுக்கும், சம்பவங்களுக்கும் சில உதாரணங்கள்:

”என் சகோதரனும் ஏற்கெனவே பிரஸ்தாபிக்கப்பட்டவனுமான நீலகண்டய்யன் மதராஸ் கலாசாலை ஏற்படுத்திய பி.ஏ.பரீட்சை கொடுத்து எம் தகப்பனார் செயிண்ட் ஜார்ஜ் கோட்டையில் கியாதியோடு வகித்து வந்த நாவிகேஷன் கிளார்க் உத்தியோகத்தில் அமர்ந்து தற்போது நொங்கம்பாக்கத்திலேயே நூதன கிரஹம் ஏற்படுத்திக் கொண்டு பெண்டாட்டி, குழந்தைகள் சகிதம் சுகஜீவனம் செய்கிறான்.” – 1904ல் மகாலிங்கய்யன் சர்க்காருக்கு எழுதிய கடிதத்தில்…

***

”நேரம் உச்சை கழிந்து ஒரு மணீக்கூராவது ஆகியிருக்குமடா. நீ புனர்பாகமாக வடித்த அன்னம் கொஞ்சம்போல் கழிக்கிறயா? கோழிமுட்டைபோல் திடமான பெலத்தைத் தரும் வஸ்து வேணுமென்றாலும் ஆக்கித்தர காளன் வந்து பரம்பிலே காத்திருக்கான். தாரா முட்டையும் கொண்டு வரச் சொல்லியிருக்கேன்” – ஜான் கிட்டாவய்யன்.

***

“ஜாதியையும் வேதத்தையும் என் வயிறும் மனசும் பார்க்கறதில்லை மாமா. குரிசோ, பூணூலோ இருந்தாலும் அல்லாது போனாலும் எனக்கு ஒருபோலத்தான். என்னமோ ஒண்ணு என்னை வேதமண்ணாவை அண்டி இருக்கச் சொல்லி நச்சரித்துத் துரத்திக் கொண்டிருக்கு. இங்கே திண்ணையில் ஒதுங்கிக் கொண்டு மேலே என்ன காரியம் செய்யச் சொல்லி எல்பித்தாலும் சடுதியில் செய்து முடிக்கறேன்” – துர்கா பட்டன்.

***

விடுதிக்காரன் தெரிசாவிடம் மரியாதை விலகாமல் ஒரு அட்டையை நீட்டினான். இங்கிலாந்தில் தொட்டதற்கெல்லாம் மரியாதை பார்ப்பதைவிட காலே வீசம் அதிகம் ஸ்காட்லாந்தில் இந்த விஷயத்தில் அக்கறை செலுத்துகிறார்கள் என்று தெரிசாவுக்குத் தோன்றியது. ”அதிவிநயம் தூர்த்த லட்சணம் என்று இல்லையோ அம்மா சிநேகாம்பாள் சொன்னது” – எடின்பர்க் பயணத்தின் போது தெரிசா

***

”மெனோபாஸ். அதிலே ஏது ஓய் ஆம்பளைச் சமாச்சாரம்? இருந்தா சரிதான். நடேசன், கோணகத்தை ஸ்வப்னத்துல நனைச்சுக்கறது நிறுத்திட்டீரா? நம்மாலே அதொண்ணும் முடியலங்காணும்” – ஓர் மலையாளத்து ஆசாமி.

***

நீலகண்டய்யனின் மனைவி கற்பகம் : உங்க ஆபிசுல பத்து பாத்திரம் தேய்க்க பெண்கள் இருக்காளா என்ன?

நீலகண்டய்யன் : உண்டே. நாந்தான் தேடிப் போய் மடியில உக்காத்தி வச்சுத் தேய்க்கணும்.

***

நீலகண்ட அய்யன் : மேனகா ரிலீஸ் பண்ணச் சொல்ல ஞாபக இருக்கா?

நாயுடு : மேனகாவை எப்படி மறக்க முடியும்? உருண்டு திரண்ட தோளோடு அதே ராஜலட்சுமி. கூடவே ஒரு புதுப்பையன். உடம்பு முழுக்க முத்தம் கொடுத்துக்கிட்டே மூஞ்சிக்கு வருவானேப்பா அந்த நாகர்கோவில் பையன். ஷண்முகமோ ஆறுமுகமோ பேர்.”

நீலகண்ட அய்யன் : அம்புலுவுக்கும் ராஜலட்சுமிபோல் தோளெல்லாம் இருக்குமா?

***

”அய்யங்காரு வந்தாலும் வந்தாரு. மரம் ஏர்றவங்க அல்லாரும் குடும்பம் குடும்பமா தெருவுக்கு வந்துட்டாங்கப்பா. கள்ளை எத்தினி நாளைக்கு நிறுத்தி வக்க முடியும் சொல்லு. ஒரு மரத்துக் கள்ளு மாதா கையால ஊட்டுற கஞ்சித்தண்ணி மாதிரி. ராஜகோபால ஆச்சாரிகள் ஒரு தபா குடிச்சா விடுவாரா அய்யரே?” – நாயுடு

***

பைராகிகள் சேர்ந்து பாடுகிறார்கள். சேர்ந்து ஓடுகிறார்கள். பாடிக் கொண்டே ஓடுகிறார்கள்.

பாட்டுக்கு நடுவே சொல்லி வைத்தது போல் சேர்ந்து நிறுத்தி இரும்பு உலக்கைகளால் அவரவர்கள் மாரிலும் தொடையிலும் ஓங்கி அறைந்து கொள்கிறார்கள். – காசியில் ஒரு காட்சி.

***

அவள் கங்கைப் பிரவாகத்தில் நுழைந்தாள். ஆமைகளோ எரியும் உடல்களோ அவசரப்படுத்தும் புரோகிதர்களோ பைராகிகளோ இல்லாத பெருவெளியாக விரிகிற நீர்ப்பரப்பு. தான் தொடும் எதையும் எவரையும் கறை களைவித்து தூய்மையாக்கி நிறுத்தி ஓடும் நதி. மனதிலும் உடலிலும் எல்லா அழுக்கையும் கங்கையின் பிரவாகம் கழுவிக் களையட்டும்.

மனமும்தான் எதற்கு? உடலும்தான் எதற்கு? எதுவும் வேண்டாமே? நீ ரெண்டுமில்லையே? – பகவதி கங்கையில் இறங்கும் முன் அவளது நினைவலைகள்.

***

காசியில், கங்கை நதியில் ஸ்தாலிச் செம்போடு பகவதி இறங்கும் போது நாமும் அல்லவா இறங்கி விடுகிறோம்!!. துர்காபட்டனையும் பரசுவையும் படிக்கும் போது எனக்கு ஏனோ ’பசித்த மானுடம்’ கணேசனும் ஜமீந்தாரும் நினைவுக்கு வந்தார்கள். அங்கேயும் ஹோமோ செக்ஸ். இங்கேயும்…

நாவலில் படித்த நியாயமார்கள் ஒய்ஜா போர்டு வைத்து ஆவிகளுடன் பேசுகிறார்கள். ஆவிகள் நடமாடும் இடங்களுக்கு சுற்றுலாச் செல்கிறார்கள். நம்மூரில் கோயில்களைச் சுற்றி ’நல்லவர்கள்’ அசிங்கம் செய்து வைப்பது போல லண்டனில் சர்ச் வாசலிலேயே போதை வயசன்கள் பரிசுத்த நீர் மழை பெய்விக்கிறார்கள்.

அரசூர் வம்சத்தின் இறுதி அத்தியாயத்தில் வரப் போகும் நாவலுக்குக் கொக்கி போட்டு சில சம்பவங்களைச் சொல்லி முடித்திருப்பார் இரா. முருகன். ஆனால் விஸ்வரூபத்தில் அப்படி இல்லை. எல்லாம் முழுமையாக இருக்கின்றன. இதன் அடுத்த பாகம் (அச்சுதம் கேசவம்) எப்படி இருக்கும் என்ற ஆவலை இப்போதே தூண்டி விட்டார் முருகன்.

நாவலில் குறைகள் என்று பார்த்தால் பெரிதாக எதுவும் இல்லை. நாவலின் பிற்பகுதியில் தாமஸ் மெக்கன்ஸி, பீட்டர் மெக்கன்ஸி ஆகி விட்டார். ஆனால் இது ஒன்றும் பெரிய பிழை என்று சொல்ல முடியாது. அது போல ஸ்காட்லாண்ட் பயனியர் பத்திரிகையில் வந்த விஷயங்களை நாம் தமிழில் – அதுவும் அந்தக் காலத் தமிழில் – படிப்பது ஏனோ கொஞ்சம் ஒட்டாதது போல் தோன்றுகிறது. ஆனால் அதிலும் சுவாரஸ்யத்திற்குக் குறைவில்லை.

நாவலில் சிருங்கார ரசம் மிக மிக அதிகம். அதுவும் இந்த மகாலிங்கய்யன் அடிக்கும் கூத்து இருக்கிறதே அப்பப்பா… மஹாராஜா தோற்றார். ”கம்ப ரசம்” எழுதியது போல் யாரும் “முருக ரசம்” எழுதாமல் இருக்க வேண்டும்.

அழகான ஓவியம். மிக நேர்த்தியான, அச்சு. மொத்தத்தில் விஸ்வரூபம், ஒரு சுவாரஸ்யமான அனுபவம். இது வெறும் மாஜிகல் ரியலிச நாவல் மட்டும் அல்ல; ஒரு வாழ்க்கை. ஜஸ்ட் வாழ்ந்துதான் பாருங்களேன்!

நாவலை கிழக்கு பதிப்பகம் வெளியிட்டுள்ளது.

https://www.nhm.in/shop/Kizhakku/ மற்றும் http://www.dialforbooks.in/ மூலம் புத்தகத்தை வாங்கலாம்.

ஹேட்ஸ் ஆஃப் முருகன். ஜமாய்ச்சுட்டீங்க.

***

——————————————————————