பாரதி

திசம்பர் 11

இன்று பாரதி பிறந்த நாள்.

திருவல்லிக்கேணி பாரதி நினைவு இல்லத்தின் ஒரு பகுதி பழுதடைந்துள்ளதால் அங்கே இன்று காலை 8 மணிக்கு ‘ஜதிப் பல்லக்கு’ நிகழ்ச்சி மட்டும் நடைபெறும் என்று நண்பர் க்ரேஸி மோகன் மூலம் அறிகிறேன்.

காணி நிலத்திடையே ஓர் மாளிகை
கட்டித்தர வேண்டும்.
பழுது படாமல்.

மோகன் குறுஞ்செய்தியாக அனுப்பிய வெண்பா –

கலைப்பாவை வாணி தலைப்பாக்குள் வாழும்
மலைப்பான மாகவி மன்னா – இளைப்பாற
ஏந்துகிறோம் பல்லக்கு ஏறியமர் பாரதி
தாந்திமிதோம் தாள ஜதிக்கு.